Kampakátur í þinglok

Ritstjóri Moggans er sigri hrósandi í þinglok. Þingflokkurinn gekk í þeim takti sem hafði verið gefinn.

„Breyt­ing­ar á stjórn­ar­skránni er mál sem ekk­ert kall­ar á og far­sæl­ast væri að legðist í dvala í drjúg­an tíma svo áhuga­menn um það fengju tóm til að end­ur­meta af­stöðu sína og gætu losnað úr þeim klóm þrá­hyggj­unn­ar sem þeir hafa verið fast­ir í um ára­bil,“ segir í leiðara Moggans.

Eins og áður hefur verið sagt er eitt af markmiðum núverandi útgefenda Moggans að verjast breytingum á stjórnarskránni. Enn er sigur í höfn.

Svo er annað stórmál frá Vg sem flokknum tókst að drepa. Mogginn fagnar:

„Há­lend­isþjóðgarður­inn er ann­ars eðlis. Þar er á ferðinni vara­söm hug­mynd sem full ástæða er til að fá­ist rædd nú í aðdrag­anda kosn­inga og að flokk­arn­ir geri skýra grein fyr­ir af­stöðu sinni til máls­ins. Inn í það verða að flétt­ast umræður um ramm­a­áætl­un og það ferli allt, sem í ljós hef­ur komið að dug­ar eng­an veg­inn til að taka af­stöðu til virkj­ana­kosta eða stuðla að eðli­leg­um fram­kvæmda­hraða þar sem á annað borð þykir ástæða til að ráðast í fram­kvæmd­ir,“ segir Mogginn og beitir fyrir sig klassísku bragði úr stjórnmálaskóla Sjálfstæðisflokksins.