Og fjári er Jón Gunnarsson ósvífinn að tilkynna alþjóð með verkum sínum að honum sé skítsama hvað forsætisráðherra finnst um þá ákvörðun að heimila lögreglu að beita rafbyssum við löggæslustörf.
Jón Örn Marinósson.
Jón Örn Marinósson skrifaði:
„Mikið er langlundargeð Katrínar Jakobsdóttur og forystusveitar Vinstri-grænna. Og fjári er Jón Gunnarsson ósvífinn að tilkynna alþjóð með verkum sínum að honum sé skítsama hvað forsætisráðherra finnst um þá ákvörðun að heimila lögreglu að beita rafbyssum við löggæslustörf. Ég hef svo sem ekki haft neina sérstaka samúð með Katrínu og Vinstri-grænum í ríkisstjórn með sjálfstæðis- og framsóknarmönnum en verð að játa að mér blöskrar að Jón Gunnarsson skuli sýna Katrínu og skoðunum hennar, sem hún hefur lýst á opinberum vettvangi, þessa dæmalausu fyrirlitningu.“
