…það væri hreint glapræði af Bjarna að skipta honum út fyrir Guðrúnu sem er vafalítið hin mætasta manneskja…
helgi Laxdal.
Helgi Laxdal skrifar:
Sagt er að Bjarni Ben sé miklum vanda hvað varðar ráðherramál þar sem hann hafi lofað Guðrúnu Hafsteindóttur dómsmálaráðuneytinu að hálfnuðu kjörtímabilinu sem er víst bar núna.Mér finnst vandi Bjarna Ben enginn. Fyrir liggur að Jón Gunnarsson hefur staðið sig mjög vel í sínu starfi. Dæmi um það er m.a. frumvarp um útlendingamál sem búið er að velkjast hjá fyrrverandi ráðherrum málaflokksins alltof lengi en Jón búinn að koma í höfn. Annað mál eru rafbyssurnar sem eru búnar að vera í spjallinu til margra ára en enginn forveri Jóns haft dug í sér til að koma málinu í höfn sem snýr að öryggi lögreglumanna. Enn eru uppi raddir sem telja að ekki hafi átt að heimila byssurnar, vantar fleiri skýrslur og trúlega það að einhver lögreglumaður láti lífið við störf sín svo augun opnist fyrir nauðsyninni. Nei, Jón er réttur maður á réttum stað það væri hreint glapræði af Bjarna að skipta honum út fyrir Guðrúnu sem er vafalítið hin mætasta manneskja en áhættan er bara of mikil eða sú að allt fari nú í fyrrahorfið, engu komið í verk bara safnað þykkum skýrslum sem segja allt sem segja þarf á einni A4 síðu en kosta formúu án þess að viðkomandi höfundur eða höfundar beri minnstu ábyrgð. Nei, látum Jón Gunnarsson halda áfram að moka flórinn í dómsmálaráðuneytinu það er farsælast bæði fyrir land og þjóð.