Jón Gunnarsson, dómsmálaráðherra og líkkistusali, er að flýta sér. Er á harðahlaupum alveg hreint. Klukkan tifar hratt. Planið er að hann verði tekinn úr ráðherrastólnum í dag eða allra næstu daga. Guðrún Hafsteinsdóttir bíður spennt yfir að fá að taka við af Jóni.
Aumingja Jón. Hann dregur hvert spilið af öðru úr erminni. Allt til að ná í fréttir. Nú boðar stórkostlegar breytingar hjá löggunni. Ætlar að bæta við áttatíu löggum. Hér og þar. Ætlar að skora fleiri meira. Fékk uppklapp á landsfundi vegna hörku sinnar í útlendingamálunum.
Svo er eitt annað sem ekki má fyrirfarast. Ekkert vesen. Líkbrennslur verða að vera áfram þar sem þær eru núna. Sjálfur er ráðherrann líkkistusali og þolir engar breytingar á þeim bissness.
Jóni þykir ekki taka því að fara að reglum þingsins og gefa upp að hann eigi líkkistufyrirtækið að fullu. Enda er hann í “bófaflokknum” eins og Jónas heitinn Kristjánsson kallaði ætíð flokk ráðherrans.
-sme
