Verslunarmannafélag Reykjavíkur hefur látið útbúa fyrir sig sex gerðir af barmmerkjum fyrir starfsfólk verslana þessi jólin og er merkjunum ætlað að hvetja fólk til að sýna hvort öðru kurteisi og og alúð í samskiptum fyrir jólin. Oft ber á því að viðskiptavinir sýni verslunarfólki ókurteisi á álagstímum fyrir jólin.
Á síðu VR má sjá að samtökin hafi látið útbúa merkin sex til þess að sporna við neikvæðri hegðun gagnvart starfsfólki verslana í jólaösinni. Verslanir geta óskað eftir merkjum fyrir sína starfsmenn með því að hafa samband í síma 510 1700 eða senda tölvupóst á vr@vr.is og við sendum merkin um hæl, fyrirtækjum að kostnaðarlausu.
Segir á síðu samtakanna að VR finnst mikilvægt að minna félagsmenn sína á réttindi þeirra á þessum árstíma. Við hvetjum einnig alla til að sýna öðrum virðingu, vera kurteis, brosa og hugsa jákvætt á þessum tíma sem og á öðrum tímum ársins.
Alls eru sex mismunandi barmmerki – sjá hér!
