Játar Dagur glæpinn?
„Ef þú gerir það ekki ertu í raun réttri búinn að játa glæpinn.“
Kári Stefánsson sendir Degi B. Eggertssyni opið bréf, sem birt er í Fréttablaðinu í dag. Tilefnið er „týndu“ tölvupóstarnir milli borgarstjórans og Hrólfs Gunnarssonar.
Hér er eitt lítið dæmi úr greininni:
„Þessir póstar sitja að öllum líkindum enn á harða drifinu á tölvunni þinni og þarf ekkert meira til en nokkra klukkutíma fagmanna til þess að ná í þá. Það væri ekki bara skynsamlegt heldur sjálfsagt að þú létir sækja tölvupóstana þannig að borgarbúar sjái að það sé ekkert óhreint í því pokahorni. Ef þú gerir það ekki ertu í raun réttri búinn að játa glæpinn og segja okkur að í póstunum hafi verið nokkuð það sem þoli ekki dagsins ljós og sé svo mikilvægt að fela að þú sért reiðubúinn að fórna til þess borgarstjóraembættinu.“
