CocaCola á Íslandi ætlar, samkvæmt því sem segir í Morgunblaðinu, að auka innflutning á tilbúnum gosdrykkjum, í stað þess að blanda þá hér með íslensku vatni.
Spurður að því hvort sérstaða íslenska vatnsins skipti máli þegar kemur að bragðgæðum segir Carlos að þar sé aðallega um tilfinningalegt mál að ræða. Daglega sé sérþjálfað bragðprófunarteymi að störfum hér á landi, og þar finni menn engan mun á innfluttu gosdrykkjunum og þeim sem framleiddir eru hér á landi.
„Helsta ástæðan fyrir þessu er að við viljum bregðast við óskum markaðarins um að geta keypt gosdrykki úti í búð í stærri kippum, sex, tíu eða 24 dósir eða flöskur saman í pakka,“ segir Carlos Cruz, forstjóri CocaCola á Íslandi.
Hann segir að einnig hafi breytt landslag með væntanlegri innkomu heildverslunar Costco á markaðinn haft áhrif á ákvörðunina. Þar er mest áhersla lögð á vörur í stórum pakkningum.