Er íslenskt kál ræktað við hita sem kemur frá kjarnorkuveri eða frá brennandi kolum? Nei, það er það hvorki notast við kjarnorku eða kol. Við vitum það. Samt segjum við heiminum öllum að svo sé. En til hvers? Jú, til að umhverfissóðar út í hinum stóra heimi geti sagst nota hreina íslenska orku. Sem er hið mesta lygimál.
Vissulega borga þeir vel fyrir lygina og blekkingarnar. „Tekjur af sölu upprunaábyrgða voru meiri en einn milljarður árið 2019,“ skrifar Lovísa Árnadóttir formælandi Samorku og bætir við: „…og því gæti þessi upphæð farið upp í allt að fimm milljarða.“
Þetta er hreint ótrúlegt. Lovísa skrifar: „Ekkert bendir til þess að þátttaka í kerfinu um upprunaábyrgðir skaði ímynd Íslands. Þvert á móti sýnir kerfið fram á að hér á landi er framleidd græn orka og það er staðfest með alþjóðlegri vottun.“
Þessu er ekki trúandi. Að eyðist sem af er tekið. Það gildir líka um orðspor. Í græðgi er stöðu okkar teflt í tvísýnu. Og það af opinberum fyrirtækjum. Þetta er svo geggjað.
-sme
