Gunnar Smári skrifar:
Samband ungra sjálfstæðismanna hafa lagt fram sínar hugmyndir um samfélagið eftir farsóttina, hugmyndir sem er nánast þær sömu og SA, Viðskiptaráð og aðrar hugveitur auðvaldsins hafa lagt fram. Það má því reikna með kosningastefna Sjálfstæðisflokksins verði í þessum anda; lækkun skatta, niðurskurður opinbers rekstrar, stórfelld einkavæðing í heilbrigðis- og menntakerfinu, óbreytt kvótakerfi, styrkir til fyrirtækja af allskonar tilefni (nýsköpun, grænir styrkir o.s.frv.), aukin áhrif fyrirtækjaeigenda í menntakerfinu og allskonar sveipað grænni slæðu. Það mætti kalla þetta túrbó nýfrjálshyggju undir grænni hulu.
Ekki veit ég hvers vegna sú hugmyndadeiglan sem fylgt hefur kórónafaraldrinum hefur ekki náð til íslenskra hægrimanna. Endurskoðun hugmyndanna hefur náð langt inn í dómkirkjur hægrisins og nýfrjálshyggjunnar víða um lönd, en það er eins og íslenskir hægrimenn hafi gengið svo langt inn í bergið að hugur þeirra sé steingerður orðinn. Líklega er eina ráðið þeim til bjargar að senda þá í margra áratuga frí frá öllum völdum.
