![](https://www.midjan.is/wp-content/uploads/2019/04/Marinó-G.-NJálsson.jpg)
Þórólfur Guðnason notar hugtakið „ferðamaður“ um alla þessa 120-130 þúsund flugfarþega.
Marinó G. Njálsson skrifar:
![](https://www.midjan.is/wp-content/uploads/2020/08/mgn.jpg)
Vegna misvísandi upplýsinga um fjölda erlendra ferðamanna sem hafa greinst með smit, þá vil ég vekja athygli á upplýsingum á meðfylgjandi mynd sem tekin er af covid.is. Þar kemur fram 2 einstaklingar eru Íslendingar með lögheimili skráð erlendis og 4 smitaðir eru útlendingar sem ekki eru með lögheimili skráð á Íslandi. Sem sagt af 91 smituðum einstaklingi eru 6 sem EKKI eru með lögheimili skráð á Íslandi.
Þetta þýðir ekki að engir fleiri séu mögulega smitaðir, eru á Íslandi (eða hafa verið) og eru ekki með lögheimili á Íslandi. Eingöngu að af 120-130.000 flugfarþegum sem komið hafa til landsins frá 15. júní hafa 4 erlendir ferðamenn greinst með smit.
Þórólfur Guðnason notar hugtakið „ferðamaður“ um alla þessa 120-130 þúsund flugfarþega. Hann er ekki að vísa til þess sem við almennt horfum til, þegar talað er um ferðamenn, þ.e. einstaklinga sem dvelja stutta stund í landinu (minnst eina nótt og upp í einhverjar vikur), ferðast um það og fer svo til síns heima. Íslendingurinn sem kom að utan er líka ferðamaður!
Greinin birtist fyrst á Facebooksíðu Marinós.