Gunnar Smári skrifar:
Þetta er afleiðing af braskvæðingu allra geira samfélagsins. Ísland liggur opið fyrir hvaða kabojum sem er, þeir geta vaðið hér um og keypt upp land, auðlindir, innviði og lykilfyrirtæki. Áður en þið vitið af munið þið verða mjólkurkýr þeirra.
Því miður búum við við stjórnvöld sem telja að braskararnir gangi á guðs vegum, að ákvarðanir þeirra hljóti ætíð að vera réttar og göfugar vegna þess að þeir láta stjórnast af hinni heilögu græðgi. Ríkisstjórnin telur sig ekki geta gripið fram fyrir hendurnar á þeim. Fyrir ráðherrunum væri það eins og ætla að vinna gegn náttúruöflunum og góðum guði.
Það er eins og þetta fólk sé andsetið.