„Ísland er fjórða dýrasta land í Evrópu…“ segir í upphafi fréttar í Morgunblaðinu.
Áfram úr fréttinni: „Ísland er fjórða dýrasta land í Evrópu þegar kemur að innkaupum á matvöru, drykkjarvöru og tóbaki. Er landið um þriðjungi dýrara í þessu tilliti en meðaltal Evrópuríkja. Á toppinum trónir Sviss, því næst Noregur, svo Danmörk og loks Ísland. Þetta kemur fram í nýlegri úttekt á vegum Eurostat, hagstofu Evrópusambandsins.“
Gott og vel. Þetta kemur kannski ekki á óvart. Því miður. Með þessa staðreynd á borðinu verður að segja okkur hvers vegna þetta er svona og finna út, og það með trúverðugum hætti, hvað er unnt að gera til að breyta þessum ósköpum.
