Það þýðir að minna fé verður eftir til bráðnauðsynlegrar, áframhaldandi uppbyggingar í Keflavík.
Ljósmynd: vf.is.
Kjartan Már Kjartansson, bæjarstjóri Reykjanesbæjar, skrifar:
Ef fer fram sem horfir mun stór hluti hagnaðar ISAVIA af starfseminni á Keflavíkurflugvelli frá og með næstu áramótum verða nýttur til uppbyggingar flugvalla innanlands. Það þýðir að minna fé verður eftir til bráðnauðsynlegrar, áframhaldandi uppbyggingar í Keflavík. Ég hræðist að það eigi eftir að koma í bakið á okkur, ekki bara Suðurnesjamönnum heldur allri íslensku ferðaþjónustunni.
Viðbót; með þessu er ég ekki að gera lítið úr þörf fyrir uppbyggingu flugvalla á landsbyggðinni en hún má ekki vera á kostnað nauðsynlegrar uppbyggingar í Keflavík heldur þarf að fjármagna hana með öðrum hætti. Hvað myndu hafnaryfirvöld í Reykjavík, Ísafirði, Akureyri og Austfjörðum segja ef stór hluti tekna þeirra af skemmtiferðaskipum yrði notaður til þess að bæta og byggja upp aðstöðu fyrir skemmtiferðaskip á Reykjanesi?