Katrín Oddsdóttir skrifaði:
Umhverfi Kaldvík er félag sem ætlar sér að stunda sjókvíaeldi í Seyðisfirði í andstöðu við vilja 75% heimamanna.
Nú hefur fyrirtækið auglýst eftir starfsfólki þó öll leyfi skorti.
Magnus Gudmundsson stjórnarmaður í VÁ – Félag um vernd fjarðar skrifar grein um málið í mitt gamla blað Austurgluggann þar sem segir m.a:
„Siglingaáhættumatið var sett í hendur fyrirtækjanna og þau létu verkfræðistofu vinna það fyrir sig. Forstjóri og aðstoðarforstjóri Kaldvíkur vita að áhættumat siglinga í Seyðisfirði liggur ekki fyrir. Það er því alrangt af forstjórunum að halda því fram að umsókn þeirra í Seyðisfirði bíði bara staðfestingar, eins og þeir gerðu í fréttum við skráningu fyrirtækisins í kauphöllina.“
Við erum ansi mörg sem munum gera allt sem í okkar valdi stendur til að koma í veg fyrir sjókvíaeldi í fallega Seyðisfirði.
Nú er komið nóg!
Greinin er fengin af Facebooksíðu Katrínar.
