„Hún hefur það fram yfir marga sem nærri mér stóðu að hafa hringt til mín þegar mikið gekk á og veitt mér stuðning og styrk, því mun ég aldrei gleyma og það á Inga inni hjá mér.“
Ásmundur Friðriksson.
„Mér hefur fundist hálf nöturlegt að sjá og heyra sumt fólk tala af nokkru yfirlæti og drambi niður til Ingu Sæland og hennar fólks. Jafnvel kallað þau „óstjórntæk“ og fleira í þeim dúr. Þessu fólki finnst Inga ekki nógu dönnuð – og tali um pólitík af alltof miklum æsingi og tilfinningasemi. En mætti ég tíu sinnum frekar biðja um pólitíska ástríðu Ingu Sæland en geðleysi og dugleysi margra þeirra sem hafa mokast inn á þing í gegnum uppeldisstöðvar flokkanna.“ skrifaði Páll Magnússon, fyrrverandi þingmaður Sjálfstæðisflokksins, útvarpsstjóri ásamt ýmsu öðru.“
„Ég hefði a.m.k. miklu frekar viljað vera í ríkisstjórn með Ingu Sæland en flestum þeim þingmönnum sem hafa talað niður til hennar í gegnum árin. Þjóðin henti líka ýmsum þeirra út af þingi um daginn – m.a. tveimur stjórnmálaflokkum í heilu lagi – á sama tíma og sama þjóð veitti Ingu Sæland glæsilegt brautargengi upp á 14%, 10 þingmenn – og gerði flokk hennar stærstan af öllum í Suðurkjördæmi!
Inga Sæland er hörku stjórnmálamaður, brennur fyrir sannfæringu sinni og á miklu meira erindi í ríkisstjórn en flestir þeir stjórnmálamenn sem telja sig þess umkomna að tala niður til hennar!“
Ásmundur Friðriksson, fyrrum þingmaður Sjálfstæðisflokksins, skrifaði:
„Þó við Inga séum ekki alltaf sammála í pólitík þá hef ég sagt og segi og tek undir með þér Palli að hún á alla mína virðingu skilið fyrir dugnað og áræði í pólitík og þann árangur sem hún hefur náð. Hún hefur það fram yfir marga sem nærri mér stóðu að hafa hringt til mín þegar mikið gekk á og veitt mér stuðning og styrk, því mun ég aldrei gleyma og það á Inga inni hjá mér. Vel mælt Palli.“
Ljóst er samkvæmt þessu að Inga á bakhjarla í Eyjapeyjunum Palla og Ása.
