„Viljiði ekki aðeins slaka á?! Er fólk gengið af göflunum?,“ spyr Ilugi Jökulsson rithöfundur í nýrri færslu á Facebook. Þar fjallar hann um þá gagnrýni sem Davíð Þór Jónsson sóknarprestur hefur fengið vegna orðanotkunarinnar að það „væri sérstakur staður í helvíti“ fyrir þá sem selja sál sína og var presturinn þar að tala um Katrínu Jakobsdóttur forsætisráðherra og félaga hannar í ríkisstjórninni.
Björn Ingi Hrafnsson, sem kenndur er við fjölmiðil sinn Viljann, kallar Davíð Þór Jónsson sóknarprest bæði nettröll og pínulítinn kall. Honum ofbauð málflutningur prestsins í gær þar sem hann gagnrýndi ríkisstjó´rn Katrínar Jakobsdóttur um fjöldabrottflutning flóttafólks.
Davíð Þór, prestur í Laugarneskirkju, var harðorður í garð Kat´rinar Jakobsdóttur forsætisráðherra og félaga hennar í ríkisstjórninni. Þar hjólaði presturinn í fyrrum ástkonu sína, Katrínu forsætisráðherra. Davíð Þór kallar ríkisstjórn Katrínar einfaldlega „fasistastjórn“ þar sem forsætisráðherrann og félagar hennar í VG hafi selt sál sína og eigi vísan stað í helvíti fyrir vikið.
Sjá einnig: Davíð Þór um ríkisstjórn Katrínar Jakobs: „Það er sérstakur staður í helvíti fyrir fólk sem selur sál sína“
Birni Inga blöskraði málflutningur Davíðs en Illugi kemur sóknarprestinum til varnar. Svo hljóðar færsla rithöfundarins:
„Er fólk gengið af göflunum? Biskupinn og allt? Davíð Þór Jónsson var ekki að „hóta helvítisvist“? Að tala um „sérstakan stað í helvíti“ fyrir einhverja sem manni finnst eiga skilið stranga gagnrýni, það er ósköp einfaldlega eðlilegur og gamalkunnur talsmáti, upphaflega talið komið frá Dante.
John F. Kennedy notaði þetta til dæmis oft. Hann sagði til dæmis: „There is a special place in hell for those who, in times of great moral crisis, maintain their neutrality.“ Það er að segja: „Það er sérstakur staður í helvíti fyrir þá sem taka ekki afstöðu þegar mikill siðferðisvandi blasir við.“ Hann sagði þetta um pólitíska andstæðinga sem voru siðferðilegir aumingjar! —
Er þessi biskup okkar alveg ólesin? Eða aðrir sem gagnrýna þetta bara alveg fína orðalag? Madeleine Albright sagði sem frægt var: „Það er sérstakur staður í helvíti fyrir konur sem ekki styðja aðrar konur.“ — Voru þau JFK að „hóta helvítisvist“? Viljiði ekki aðeins slaka á?!