Illugi Jökuls: „Eigum við að bera virðingu fyrir fólki sem leggur sig í líma við að sýna FYRIRLITNINGU OG YFIRLÆTI?“

Rithöfundurinn Illugi Jökulsson er afar ósáttur við hegðun Kat´rinar Jakobsdóttur og samráðherra hennar ´i ríkisstjórninni á Alþingi í gær. Þá fóru fram eldhúsdagsumræður og mátti þá sjá Katrín og félaga hangandi í símanum sínum á meðan þingmenn stjórnarandstöðunnar héldu ræður sínar.

Illuga er nóg boðið og segist ekki geta borið virðingu fyrir ráðherrunum sem nú sitja í ríkisstjórn. Þetta kemur fram í færslu hans á Facebook:

Katrín Jakobsdóttir fabúlerar stundum um að helsta erindi hennar í pólitík sé að auka traust fólks á stjórnmálunum. Svona fer hún að því: Þykist ekki vera að hlusta þegar stjórnarandstaðan talar, segir Illugi og birtir þessa mynd:

„Sýnir andmælaröddum FULLKOMNA FYRIRLITNINGU. Til hvers er hún þarna? Og ekki eru Guðlaugur Þór og Sigurður Ingi skárri. Eigum við að bera virðingu fyrir fólki sem leggur sig svona í líma við að sýna FYRIRLITNINGU OG YFIRLÆTI?“