Í gallabuxum og á sokkaleistunum

„Í sumum flokkum þykir mjög lummó að fela peningana sína í skattaskjóli en í öðrum eru gallabuxur mjög lummó.“

Atli Þór Fanndal.

Atli Þór Fanndal skrifaði:

Alþingi Þetta er alveg æðislegt! „Birg­ir seg­ir að á mörg­um þjóðþing­um landa í Evr­ópu, sem við lít­um gjarn­an til, séu óskráðar regl­ur um klæðaburð. Hér heima séu ör­ugg­lega mis­mun­andi venj­ur og hefðir í þess­um efn­um eft­ir þing­flokk­um. Þannig sé alltaf gert ráð fyr­ir að karl­menn klæðist jakka og hálstaui í þing­flokki Sjálf­stæðis­flokks­ins.“

Já, nákvæmlega Birgir þetta er svo mismunandi! Sumstaðar er til dæmis hefð fyrir því að formönnum flokka sé skipt út áður en þeir ná óvinsældum sem eiga sér engan líkan en í öðrum eru menn með bindi og í jakka.

Í sumum flokkum þykir mjög lummó að fela peningana sína í skattaskjóli en í öðrum eru gallabuxur mjög lummó.

Í mörgum þjóðþingum Evrópu er hefð fyrir því að verja sjálfstæði dómstóla. Speisað mar!

í sumum flokkum ruglast menn á leynibankareikningum en í öðrum eru menn stundum í litríkum sokkur. Svona flipp gefur lífinu nú bara lit er þaggi Birgir?

Í sumum flokkum standa menn með tjáninga- og atvinnufrelsinu en í öðrum ofsækja þeir þá sem andmæla þeim og lýsa stoltir yfir við stjórnskipunar- og eftirlitsnefnd að frekar verði ritrýndu riti lokað en að láta mann utan flokksins ritstýra því.

Svona er nú flóran margreytileg. Alveg magnað…