Síðast þegar Sjálfstæðisflokkur og Framsókn sátu saman í ríkisstjórn stöðvaði Bjarni Ben Sigurð Inga þegar hann vildi leggja fram nýtt kvótafrumvarp. Samkvæmt þáverandi stjórnarsáttmála. Sigurður Ingi varð sár. Hefur játað að hafa verið misboðið. En Bjarni réð.
Nú stígur Bjarni Ben og flokkur hans í veg fyrir Lilju Alfreðsdóttur og hafnar fjömiðlafrumvarp hennar. Lætur Framsókn endalaust undan? Veit Bjarni að hann getur svívirt Framsókn. Eins og honum sýnist? Það skýrist á allra næstu dögum.
Vandi Framsóknar er enn og aftur Miðflokkurinn. Hann er tilbúinn. Vilji Framsókn halda andlitinu og slíti sig frá ofbeldissambandinu við Sjálfstæðisflokk hleypir Framsókn Miðflokki í ríkisstjórn. Ríkisstjórn Vinstri grænna, Sjálfstæðisflokks og Miðflokks.
Framsókn stendur frammi fyrir þessum kostum. Á að halda áfram að vinna með ofbeldisflokknum eða á að halda sjálfsvirðingunni? Sjálfsvirðingunni verður fórnað. Enn og aftur.
-sme