Samfélag Drífa Snædal kvað fast að þegar hún sagði sig úr Vinstri grænum vegna þess að flokkurinn, sem hún var eitt sinn framkvmædastjóri fyrir, reynir stjórnarmyndun með Sjálfstæðisflokki. Það sagði Drífa ámóta og að éta skít.
Valhellingar kunna ekki að meta það sem Drífa sagði og efast mjög um að rétt sé að hún gegni áfram starfi sínu framkvæmdastjóri Starfsgerinasambandsins. „Framkvæmdastjóri Starfsgreinasambands Íslands, Drífa Snædal, er ein þeirra sem séð hafa ástæðu til þess að tjá sig um þetta málefni. Líkir hún hugsanlegri ríkisstjórn þriggja stærstu flokka landsins við ofbeldissamband og segir stjórnarsamstarf við Sjálfstæðisflokkinn vera „eins og að éta skít“,“ þannig skrifar Kjartan Magnússon borgarfulltrúi í grein í Morgunblaðinu í dag.
„Framkvæmdastjóri Starfsgreinasambandsins situr sem slíkur í skjóli skylduaðildar 53 þúsund félaga að verkalýðsfélögum. Margir félagar í Starfsgreinasambandinu styðja Sjálfstæðisflokkinn en eru um leið skyldaðir til að láta hluta launa sinna renna í launagreiðslur til framkvæmdastjóra sambandsins sem lætur sér sæma að stunda slíkt skítkast. Það hlýtur að vera umhugsunarefni fyrir félaga í Starfsgreinasambandinu hvort framkvæmdastjóri, sem lætur stjórnast af slíkum fordómum og heift, sé vel til þess fallinn að taka þátt í kjaraviðræðum þar sem ná þarf árangri óháð því hvaða flokkar sitja í ríkisstjórn hverju sinni.“
Kjartan talar ekki í hálfkveðnum vísum. Hinum þykir óboðlegt að stuðningsmenn Sjálfstæðisflokkinn, sem eru innan SGS, skuli þurfa að greina Drífu launin hennar. Leikar æsast.
