Heilbrigðismál Engilbert Sigurðsson prófessor í geðlæknisfræði og yfirlæknir læknadeild Háskóla Íslands og geðsviði Landspítala‚ skrifar leiðara í nýjasta tölublað Læknablaðsins. Hann kemur víða við.
Engilbert nefnir læknasamningana sem hann segir ekki enn búið að fjármagna að fullu. Segja má að Engilbert skili skömminni, því hann skrifar: „En hver ber ábyrgðina þegar fagfólk skortir til að taka forfallavaktir eða þegar rúm vantar til innlagna og sjúklingar bíða klukkustundum saman eftir að komast af bráðamóttöku á legudeildir; eru það vakthafandi læknar og hjúkrunarfræðingar, millistjórnendur, framkvæmdastjórar og forstjórar Landspítala eða eru það nefndarmenn fjárlaganefndar og formenn stjórnarflokka síðustu 15 ára? Svari hver fyrir sig. Í nýlegri könnun Capacent-Gallup settu 90% svarenda úrbætur í heilbrigðismálum í fyrsta sæti. Það verður spennandi að sjá hvaða stjórnmálaflokkar ná að bregðast við eindregnum óskum almennings um úrbætur nú þegar aðeins rúmt ár er til kosninga.“