Hvernig skyldi „sönnum“ umhverfissinnum líða núna?

Hvernig skyldi „sönnum“ umhverfissinnum líða núna þegar liggur fyrir að síldarbræðslan sem er Eskja á Austfjörðum er nauðbeygt til að knýja verksmiðjuna á olíu í stað raforku á komandi vertíð?

Hugsið ykkur delluna, en umrædd verksmiðja mun þurfa að nota 50 þúsund tonn af olíu til að skapa þessar gjaldeyristekjur í stað endurnýjanlegrar raforku en vegna skorts á raforku eru þeir nauðbeygðir til að knýja verksmiðjuna með olíu.

Það hefur komið fram í fréttum að ávinningurinn sem hefur skapast við þá raforkubíla sem eru hér á landi þurrkast upp bara vegna þess að umrædd síldarverksmiðja fær ekki raforku til að knýja sína síldarbræðslu.

Þetta er örlítið dæmi um mót-og þversögn umhverfisinna…

Núna ættu allir „alvöru“ umhverfissinnar að standa á öskrum um að virkja meira m.a. til að koma í veg fyrir svona vitleysu. Enda er allur ávinningur af rafvæðingu bílflotans að þurrkast upp því ekki er til næg endurnýjanleg orka.

Þetta er örlítið dæmi um mót-og þversögn umhverfisinna sem hefur tekist að stoppa af þá lífsnauðsynlegu aðgerðir að við sem þjóð virkjum miklu meira til að geta tekið þátt í orkuskiptum og notað okkar grænu, hreinu endurnýjanlegu orku til atvinnuuppbyggingar okkur öllum til hagsbóta.

Ástandið við Svartsengi sýnir okkur líka mikilvægi þess að virkja enn meira til að tryggja raforkuöryggi þjóðarinnar vítt og breitt um landið.

Nú er komið að þeirri stundu að stjórnvöld keyri á að virkja enn meira enda eru allar þjóðir sem öfunda okkur af öllum þessum virkjunarkostum sem lúta að endurnýjanlegri græni orku.

Ég skora á Alþingi að keyra í gegn virkjunarframkvæmdir á grænni orku sem notuð verður í orkuskipti, atvinnuuppbyggingu og tryggja raforkuöryggi þjóðarinnar!