Katrín Jakobsdóttir hefur lagt spurningar fyrir Þórdísi Kolbrúnu R. Gylfadóttur, ferðamála-, iðnaðar- og nýsköpunarráðherra um heimagistingar.
Katrín spyr, til að mynda, hvernig eftirliti hefur verið háttað hvað varðar tilkynningaskyldu, hvaða peningum hefur verið varið til eftirlitsins, hvort ráðherra telji að nægjanlega vel sé búið um fyrirkomulag heimagistingar í gildandi lögum og hver þróunin hafi verið í skráningu á heimagistingu og hvort skráningum hafi fjölgað eftir lagabreytingarnar sem voru gerðar í fyrra, 2016.
Ráðherra mun svara skriflega.