Veiðigjöldin sem þeir fá á tombóluprís. Hingað og ekki lengra!
Katrín Baldursdóttir skrifar:
Hver andskotinn er í gangi hérna? Þjóðfélagið á heljarþröm en kvótagreifarnir komast upp með að greiða sér arð og kaupa í eigin fyrirtækjum. Þetta eru sömu mennirnir og fara nú fram á að greiða okkur ekki veiðigjöldin. Veiðigjöldin sem þeir fá á tombóluprís. Hingað og ekki lengra!
Við eigum fiskinn í sjónum og eigum að sjálfsögðu að fá arðinn af honum. Næsta mál á dagskrá hjá þjóðinni er að sjá til þess að svo verði. Við gætum bjargað fyrirtækjum í vanda, launafólki, öryrkjum og þeim verst settu á þessum erfiðu tímum ef við hefðu aðgang að okkar eigin auðæfum og gæfum ekki milljarðamæringum möguleika á að stela þeim. Tökum okkur taki og berjumst fyrir réttlátri skiptingu á arðinum af sjávarauðlindinni. Það á að verða okkar fyrsta verk strax í vor.