Lítið sem ekkert fer fyrir formanni Samfylkingarinnar, Loga Einarssyni. Á þeim merku tímum sem þjóðin stendur á hefur formaður Samfylkingarinnar skriðið í skjól. Og lætur fara vel um sig.
Loga til lífs er að þrír af þingmönnum Samfylkingarinnar eru virkir þátttakendur í stjórnmálum; Oddný Harðardóttir, Helga Vala Helgadóttir og Ágúst Ólafur Ágústsson. En ekki Logi Einarsson.
Það er fráleidd afstaða að skríða í skjól. Það er nánast óhugsandi að flokksformaður skuli ekki vera virkur í þingstörfum og opinberri umræðu þegar háttar hér sem raun er á. Gera verður ráð fyrir að flokksformaður hafi áhuga á stjórnmálum.
Bendi á aðrar leiðir en Bjarni Benediktsson boðar. Móti eigin stefnu og kynni hana. Verði virkur þátttakandi. Því er ekki að heilsa hjá Loga Einarssyni. Má vera að ekki sé meiri eftirspurn eftir en svo að hann geti snúið sér á hina hliðina? Kannski.
