Sigurjón M. Egilsson:
Það er merkilegt ef Bjarni svarar ekki síma og ekki tölvupóstum. Þá þarf að sitja fyrir honum. Sá möguleiki er vissulega til að hann liggi á vindsæng í laug fjarri Íslandi.
Þeir eru ósáttir.
Vissulega hafa enn sem komið er aðeins minni spámenn í Sjálfstæðisflokki sett sig á móti óbreyttu stjórnarsamstarfi. Með þeirri undantekningu sem þingflokksformaðurinn, Óli Björn Kárason er.
Vilhjálmur Árnason, Brynjar Níelsson og Elliði Vignisson vega ekki manna þyngst þó þeir séu með uppsteyt gegn stjórnarsamstarfinu eða æðstu forystu flokksins. Samt sem áður leyfir Bjarni Benediktsson glæðunum að lifa. Þær geta orðið að báli sem erfitt getur orðið að slökkva.
Hvað veldur þögn Bjarna? Ekki er hægt að trúa öðru en allir fjölmiðlar landsins hafi ítrekað reynt að ná í Bjarna. Til að fá svör við þeim spurningum sem vissulega eru uppi. Miðjan býr við þá ákvörðun Bjarna að tala aldrei framar við eina manninn á ritstjórninni. Fjölmiðlar verða að ná tali af Bjarna.
Það er merkilegt ef Bjarni svarar ekki síma og ekki tölvupóstum. Þá þarf að sitja fyrir honum. Sá möguleiki er vissulega til að hann liggi á vindsæng í laug fjarri Íslandi. Það áhugaleysi sem hann sýnir nú minnir um margt á áhugaleysi hans fyrir Alþingi.
Katrín Jakobsdóttir hefur sagt að erjurnar í Sjálfstæðisflokki séu hans en ekki hennar. Þeir verði að jafna eigin ágreining.
