Hvalveiðibannið verði framlengt?

„Svandís Svavars­dótt­ir mat­vælaráðherra bannaði hval­veiðar tíma­bundið til 31. ág­úst en miðað við svör mat­vælaráðuneyt­is­ins við fyr­ir­spurn­um Morg­un­blaðsins er ekki hægt að úti­loka að bannið verði fram­lengt. Starfs­hóp­ur á veg­um ráðuneyt­is­ins vinn­ur næstu vik­urn­ar að því að meta hvort hval­veiðar geti staðist lög um dýra­vel­ferð og lög um hval­veiðar.“

Þetta er úr Moggafrétt. Rétt eins og færslan á undan þessari. Eðlilega er Mogginn upptekinn af hvalamálinu. Miðjuna langar ósköpin öll að vitna enn og aftur í Mogga dagsins:

„Sam­kvæmt svör­um ráðuneyt­is­ins á starfs­hóp­ur­inn að vinnu lok­inni að „skila ráðuneyt­inu til­lög­um að val­kost­um eða mögu­leg­um lausn­um um hvaða leiðir eru raun­hæf­ar eða mögu­leg­ar.“

…að hið „tíma­bundna hval­veiðibann“ verði ekk­ert endi­lega tíma­bundið.

Ekki verður annað skilið á þess­um svör­um en að hið „tíma­bundna hval­veiðibann“ verði ekk­ert endi­lega tíma­bundið. Það er að segja ef starfs­hóp­ur ráðuneyt­is­ins kemst að þeirri niður­stöðu að ekki sé hægt að stunda hval­veiðar sem sam­ræm­ast lög­um um vel­ferð dýra. Blaðamaður spurði því ráðuneytið hvað myndi ger­ast ef starfs­hóp­ur­inn kæm­ist að þeirri niður­stöðu. Svar ráðuneyt­is­ins er það að nú sé ótíma­bært að taka af­stöðu til þess þar sem vinn­an standi enn yfir.

Ráðuneytið hef­ur haft sam­band við leyf­is­haf­ann Hval hf. og óskað eft­ir upp­lýs­ing­um, gögn­um, sjón­ar­miðum og at­huga­semd­um er gætu varðað þessa vinnu starfs­hóps­ins. Einnig hyggst starfs­hóp­ur­inn kalla eft­ir rýni annarra sér­fræðinga eft­ir þörf­um. Starfs­hóp­ur­inn er skipaður full­trú­um ráðuneyt­is­ins, Mat­væla­stofn­un­ar og Fiski­stofu.“