Hvaða samfélagi tilheyrir Katrín?

„Rík­is­stjórn­in hef­ur haft hags­muni ís­lensks sam­fé­lags að leiðarljósi og náð mikl­um ár­angri, hvort sem litið er til þeirra verk­efna sem sett voru á dag­skrá í upp­hafi kjör­tíma­bils eða þeirra verk­efna sem skullu á okk­ur af full­um þunga með heims­far­aldr­in­um. Ný verk­efni blasa nú við og ný tæki­færi en eft­ir erfiða tíma geta komið mik­il fram­fara­skeið. Þá skipt­ir máli að hafa stjórn­mála­fólk sem er reiðubúið að leggja mikið á sig fyr­ir hag sam­fé­lags­ins alls,“ skrifar Katrín Jakobsdóttir forsætisráðherra í Moggann í dag.

Nú er spurt, í hvaða samfélagi býr Katrín.

Í þessum sama Mogga segir í frétt: „Árið 2019 var helm­ing­ur heim­ila ein­stæðra for­eldra á leigu­markaði og frá ár­inu 2006 hafa þeir al­mennt verið lík­legri til þess að vera á leigu­markaði held­ur en þeir sem búa ein­ir. Þetta er meðal þess sem kem­ur fram í niður­stöðum sér­heft­is fé­lags­vísa Hag­stofu Íslands um fjár­hag heim­ila. Þar kem­ur fram að staða ein­stæðra for­eldra hef­ur al­mennt séð versnað.“

Svo segir einnig að íþyngj­andi hús­næðis­kostnaður var al­geng­ast­ur á meðal ein­stæðra for­eldra árið 2019, eða 36%, og þar næst hjá ein­menn­ings­heim­il­um eða 23%. Hús­næðis­kostnaður telst íþyngj­andi þegar heild­ar­kostnaður nem­ur meira en 40% af ráðstöf­un­ar­tekj­um heim­il­is­ins. Íþyngj­andi hús­næðis­kostnaður heim­ila ein­stæðra for­eldra hækkaði um 15% frá ár­inu 2008.

„Heim­ili í leigu­hús­næði eru mun lík­legri til þess að vera und­ir lág­tekju­mörk­um held­ur en heim­ili í eign­ar­hús­næði. Þá er íþyngj­andi hús­næðis­kostnaður mun al­geng­ari á meðal leigj­enda en á meðal eig­enda hús­næðis sem og skort­ur á efn­is­leg­um gæðum. Á tíma­bil­inu 2016 til 2019 dró nokkuð úr skorti á efn­is­leg­um gæðum á meðal heim­ila ein­stæðra for­eldra og á meðal ein­menn­ings­heim­ila en árið 2019 var tíðni skorts á efn­is­leg­um gæðum 9,5% á heim­il­um ein­stæðra for­eldra og 8,6% á ein­menn­ings­heim­il­um.“

Enn úr þessum sama Mogga. Þar er ákall um að sýnin leghálssýnin verði rannsökuð hér á landi. Vandræðaástandið skrifast alfarið á Vinstri græn. Í auglýsingunni segir:

„Við treystum öll á að njóta á hverjum tíma bestu heilbrigðisþjónustu sem unnt er að veita hverju sinni. Í hálft ár hefur staðanískimunum og rannsóknum fyrir leghálskrabbameini verið óásættanleg að mati sérfræðinga og notenda þjónustunnar. Á þetta hefur ítrekað verið bent, án þess að viðhlítandi svör berist. Ljóst er að núverandi ófremdarástand ógnar heilsu kvenna á Íslandi. Við það verður ekki unað.

Við krefjumst þess að sýnin verði færð heim til rannsókna og að komið verði fram með trausta áætlun um raunverulegar úrbætur. Það verði gert án tafar.“

Katrín verður að gera betur vilji hún áfram getað baðað sig í kastljósi hernaðarbandalagsins.

-sme