Hvað átti að breytast með ríkisstjórn Katrínar?

Gunnar Smári skrifar:

Ég er að rifja upp hvað átti að breytast við VG að færi í ríkisstjórn, við að Katrín Jakobsdóttir yrði forsætisráðherra, önnur kvenna og fyrst úr flokki vinstra megin við krata, við að Áslaug Arna Sigurbjörnsdóttir, ung kona af upplýstri kynslóð, yrði dómsmálaráðherra. Hvað var það aftur sem átti að breytast? Átti kannski ekkert að breytast umfram þetta, að VG væri í ríkisstjórn og Katrín og Áslaug ráðherrar? Það breytti alla vega engu fyrir þessa albönsku óléttu konu. Hennar vegna hefði Miðflokkurinn mátt vera í ríkisstjórn og einhverjir stútungskarlar og Klausturdónar á ráðherrastólunum, það hefði engu breytt. Þetta hefði ekki orðið neitt verra.