„Ég vil hvetja alla þá sem eiga leið um Skagafjörðinn fagra að koma við á bænum Hjaltabaka þar sem fram fer blóðtaka úr hundruðum fylfullra hryssna í eigu Ísteka. Við skulum muna að forstjórinn segjist ekkert hafa að fela þannig að af því má ráða að við séum öll velkomin til að fylgjast með blóðtökunni og taka myndir,“ skrifar Inga Sæland formaður Flokks fólksins.
„Ég hef ítrekað mælt fyrir frumvarpi um bann við blóðmerahaldi en ráðherrann hefur í engu skipt sér af málinu nema framlengja blóðbaðið um þrjú ár og heimila þreföldun á þeim fjölda hryssna sem má misþyrma.” – Inga Sæland, formaður Flokks fólksins.
