Besti flokkurinn og Björt framtíð og nokkrir kratar hafa yfirtekið Viðreisn.
„Það er ekkert launungarmál að ég mun sakna Brynjars Níelssonar og Sigríðar Á. Andersen af þingi. Þetta voru í raun þeir þingmenn ásamt Birgi Ármannssyni, sem reyndu að segja satt og hefðu getað fengið mig til að kjósa Sjálfstæðisflokkinn,skrifar Guðbjörn Guðbjörnsson á Facebook.
!Það er síðan ljóst í framhaldi að þetta auðveldar Miðflokknum mjög svo kosningabaráttuna. Þingflokkur X-D er kannski „meðfærilegri“ eftir þessa breytingu en hann skartar nákvæmlega engum „fjölbreytileika“ á hægri vængnum.
Þá er ljóst að framkoma forystu Viðreisnar gagnvart Benedikt Jóhannessyni stofnanda og fyrrverandi formanns flokksins gerir margan hægri manninn fráhverfan þeim flokki. Besti flokkurinn og Björt framtíð og nokkrir kratar hafa yfirtekið Viðreisn. Það er auðsjáanlega verið að hrekja alla hægri menn í galopna arma Miðflokksins og það er einkennileg „strategía“ svona korter í kosningar.“