Hrafn Magnússon skrifar:
Inga Sæland, formaður Flokks fólksins, fullyrti í sjónvarpinu að árlegur kostnaður lífeyrissjóðanna væri 30 ma. kr Þetta er alrangt og stenst enga skoðun. Samkvæmt gögnum Fjármálaeftirlitsins nam skrifstofu- og stjórnunarkostnaður lífeyrissjóðanna í fyrra rėtt rúmlega 11 ma.kr. en ekki 30 ma.kr. Eins og Inga fullyrti í sjónvarpinu nú í vikunni. Rétt er að geta þess að rekstrarkostnaður íslensku lífeyrissjóðanna er með því lægsta sem þekkist í löndum OECD eða um 0,2% af eignum sjóðanna. Það er alvarlegt að slá ryki í augu kjósenda með röngum upplýsingum.