…að hindra starfsmenn í að fara í verkfall.
„Áhyggjufullir hótelstarfsmenn hafa tjáð mér að það séu uppi áform um ýmis brot, svo sem að hindra starfsmenn í að fara í verkfall sem þrífa almenningsrými og sinna þvottum. Sums staðar er verið að boða starfsmenn sem almennt vinna ekki við þrif til að mæta fyrr og sinna þeim með herbergisþernum, bæði til að ná að klára þrif fyrir kl 10:00 og einnig eftir að verkfall hefst,“ sagði Valgerður Árnadóttir starfsmaður félagssviðs Eflingar.
Efling – stéttarfélag gagnrýnir harðlega þá hótelrekendur sem hafa í hyggju að stunda verkfallsbrot í dag, á alþjóðlegum baráttudegi kvenna 8. mars, vegna verkfalls hótelþerna.
Eflingu hafa borist fjölmargar tilkynningar um að hótelrekendur hyggist beita starfsfólk þrýstingi til að ýmist sniðganga verkfallsboðun eða ganga í störf starfsfólks í verkfalli. Hvort tveggja eru verkfallsbrot.
Margar tilkynninganna bárust í tengslum atkvæðagreiðslu utan kjörfundar, en í tengslum við hana heimsótti starfsfólk Eflingar fjölmarga vinnustaði á höfuðborgarsvæðinu .
