Mannlíf Tekist verður á ensku úrvalsdeildinni í dag. Fyrsti leikurinn er klukkan hálf tvö í dag þegar Aston Villa og Arsenal mætast á Villa Park í Birrmingham. Ólíkt er fyrir liðunum komið. Með sigri kemst Arsenal, hið minnsta tímabundið, í efsta sæti deildarinnar. Þó Aston Villa sigri dugar það hvergi til að lyfta liðinu af botnsæti deildarinnar.
Annað merkilegt við þann leik er þá tekur Remi Garde, stjóri Aston Villa, á móti sínu gamla liði Arsenal, en Garde spilaði með Arsenal frá 1996-1999.
Klukkan fjögur verða tveir leikir. Liverpool og West Brom leika, en Liverpool tapaði fyrir Newcastle um síðustu helgi og ekki veitir af að gera betur nú, en Liverpool er í tíunda sæti deildarinnar og West Brom í þrettánda.
Á sama tíma leika Tottenham og Newcastle.Tottenham er í fimmta sæti deildarinnar og í baráttu Meistaradeildarsæti, en Newcastle er í mikilli fallbaráttu, situr í átjanda sæti.
Stöð 2 sýnir alla leikina.
