Það gerðist í kosningabaráttu að frambjóðandi krata og frambjóðandi Framsóknar í ónefndu kjördæmi lentu í hár saman á kosningafundi. Afleiðingarnar urðu meiri en venjulega því þessir tveir heiðursmenn töluðust ekki við eftir fundinn þar sem skammir og svívirðingar höfðu flogið um salinn allt kvöldið.
Svo var það dag einn að þeir mættust á mjórri gangstétt og var auðsætt að annar yrði að stíga út á foruga götuna fyrir hinum.
Frambjóðandi Framsóknar stansaði og horfði urrandi á andstæðing sinn og hvæsti: „Ég vík aldrei úr vegi fyrir glæpahyski.“
Frambjóðandi krata steig út á götuna og svaraði: „En það geri ég.“
Þú gætir haft áhuga á þessum
Tekið úr gömlu Alþýðublaði.
