„Undanfarin tíu ár dóu 72 hérlendis af völdum inflúensu og lungnabólgu árlega, samkvæmt tölum frá Embætti landlæknis. Í kóvinu hafa tíu látist. Það voru dýrmæt líf, en kannski réð veiran ekki úrslitum í öllum tilvikum,“ segir Jón Þórisson, ritstjóri Fréttablaðsins, í leiðara dagsins. Jón er gagnrýnin á aðgerðir gegn kórónaveirunni.
„Það er ekki fært að slökkva á heiminum og við getum ekki átt þátt í því. Fólk sem einskis átti sér ills von líður nú kvalir. Ekki vegna veirunnar, heldur vegna viðbragða við henni,“ segir í leiðaranum.
„Hversu margir munu látast vegna beinna og óbeinna aðgerða gegn veirunni? Hvaða áhrif hafa aðgerðir stjórnvalda um heim allan gegn veirunni?“
„Verði framhald á hindrunum og takmörkunum sambærilegum þeim sem við finnum fyrir í daglegu lífi, verður þess ekki langt að bíða að borgaraleg óhlýðni geri vart við sig. Þá verður spurt hvort reglurnar standist stjórnskipulega og hvort hægt verði í reynd að framfylgja þeim eins og jafnan má ætlast til um reglur. Viljum við það?“