Handtaka Arndísar Önnu Kristínardóttur Gunnarsdóttur, þingkonu Pírata, er með mest áberandi fréttum á mbl.is og eins í Mogganum. Ljóst er að málið hefur enga eftirmála hjá lögreglunni. Þá hefur ekki verið hringt í lögreglustjórann til að krefjast skýringa eða vægðar fyrir Arndísi Önnu.
Með öllu er óljóst hvort eða þá hvaða lög Arndís Anna braut. Eða hver var ástæða handtökunnar. Eitt er þó alveg víst að ekki braut hún sóttvarnarlög. Eins og sumir þingmenn og ráðherrar hafa gert. Án eftirmála. Hvers vegna varð það?
Áslaug Arna Sigurbjörnsdóttir, þáverandi dómsmálaráðherra, lét lögreglustjórann ekki í friði á aðfangadegi jóla, þegar lögreglan leysti drykkjuveislu þar sem Bjarni Benediktsson var þátttakandi. Ástæðan var sú að í landinu voru sóttvarnarlög vegna Covid. Bjarni braut þau lög. Engir eftirmálar urðu aðrir en aðfangadagslætin í Áslaugu Örnu.
Mogginn kætist vegna máls Arndísar Önnu. Ekki verður hjá því komist að geta annarra mála þar sem þingmenn og ráðherrar hafa sætt afskipta lögreglu.
-sme