![](https://www.midjan.is/wp-content/uploads/2019/01/Katrín-Bldursdóttir.jpg)
„…henni er fjarstýrt af auðvaldinu.“
Katrín Baldursdóttir skrifar:
![](https://www.midjan.is/wp-content/uploads/2019/10/KB-7.jpg)
Hlægilegasti ráðherrann í dag er Þórdís Kolbrún iðnaðar-og nýsköpunarráðherra. Hún er líka einfaldasti ráðherra dagsins. Hún heldur að fólk sé svo illa gefið að það trúi því að nýja frumvarpið hennar, um að lama samkeppniseftirlitið, sé stuðningur við lífskjarasamninginn. Þessu heldur hún ótrauð fram í fjölmiðlum og í þinginu. Hins vegar sjá það allir að frumvarpið er samið fyrir auðug stórfyrirtæki. Svo samkeppniseftirlitið sé ekki að þvælast fyrir þeim. Fyrirtæki sem vilja stækka og stækka og ekki láta óþarfa eftirlit stoppa það. Og þrátt fyrir að bæði lærðir og leiknir, fyrrverandi ráðherrar og forystumenn hinna ýmsu samtaka m.a. í atvinnulífinu vari alveg sérstaklega við þessu frumvarpi, þá stendur hún bara stíf og segist víst ætla að standa við sínar áætlanir um þetta frumvarp. Þórdís er auðvitað reynslulítil í pólitík en líklegasta skýringin á þessu frumhlaupi hennar er að henni er fjarstýrt af auðvaldinu.
![](https://www.midjan.is/wp-content/uploads/2017/05/Gunnar-Smári-Egilsson-1.jpg)
Gunnar Smári bætir við skrif Katrínar:
Fádæma verklítill ráðherra. Ef yfir ferðaþjónustunni sem hefur tekið flikk flakk en síðan magalent, en ráðherrann gerir ekkert. Ekki heldur þótt í ljós hafi komið að innan ferðaþjónustunnar er stundað víðtækt þrælahald, að helstu náttúruperlur landsins hafa látið á sjá vegna átroðnings eða að vegakerfið, heilbrigðiskerfið, löggæslan og önnur grunnkerfi eru að sligast undan álagi vegna fjölgunar ferðamanna. Svo þegar hún loks finnur sér áhugamál þá er það þetta, að fela stórfyrirtækjum að hafa samkeppniseftirlit með sjálfum sér.