Ábyrgðin er þeirra í Borgartúni. Hvers vegna þar er valin þessi ömurlega taktík er annað mál.
Halldór Benjamín og aðrir lobbýistar í Borgartúni 35 eru hinir hörðu verkfallssinnar. Viðsemjendur þeirra eru að gefast upp á þeim, hver af öðrum. Halldór Benjamín og félagar hafa ekkert fram að færa. Láta sem þeir geti ekkert.
Það er alvarlegt mál að forystu atvinnurekenda leggist ekki betra og meira til en raun er á. Staða þeirra er alvarleg. Verra er ef þeim tekst að stöðva stóran hluta atvinnulífsins í landinu. Eflaust finna þau mikinn stuðning úr ráðuneyti Bjarna Benediktssonar.
Það er hins vegar ljótt að ekki sé öflugra fólki falið það verk að semja við forystu launafólks. Launafólk er með mjög hógværar kröfur. Og vægar ef eitthvað er. Í stað þess að ganga frá samningum er leynt og ljóst verið að stefna öllu í átök.
Ábyrgðin er þeirra í Borgartúni. Hvers vegna þar er valin þessi ömurlega taktík er annað mál. Og illskiljanlegt. Víst er að þeim verður ekki kápan úr því klæðinu. Fyrr munu brestir myndast í raðir SA en í raðir launafólks.
– sme
