„Umsamdar launahækkanir á almennum vinnumarkaði numu að hámarki 66 þúsund krónum. Að sögn embættismanna setti þessi hækkun allt á hliðina.“
ÚLFAR HAUKSSON.
„Það að það sé deilt um þetta nú kemur ekki á óvart. Það hefur áður verið deilt um þetta í aðdraganda launahækkunar. En ég held, til að segja það algjörlega hreint út, þá held ég að þetta fyrirkomulag sem er afrakstur mikillar vinnu og endurskoðunar á kerfi sem var ekki gott, sé það besta fyrirkomulag sem við höfum fundið á þessum málum. Þetta var breyting sem flestum þótti til bóta m.a. Alþýðusambandi Íslands sem studdi þessa breytingu á sínum tíma,“ sagði Katrín Jakobsdóttir forsætisráðherra í viðtali við RÚV.
Hún hélt áfram og gortar sig aðeins:
„Ég held að sú löggjöf sem við erum með sem byggir á hugmyndum sem unnar voru í starfshópi undir minni forystu á sínum tíma, ég held að það sé gott kerfi. Þetta kerfi er gagnsætt það tryggir. Það að við erum ekki leiðandi í launaþróun heldur fylgjum launaþróun ríkisstarfsmanna. Og það er algjörlega fyrirsjáanlegt líka sem var ekki með gamla kerfið með gamla kjararáðinu,“ sagði Katrín.
Úlfar Hauksson, stjórnmálafræðingur og vélstjóri, skrifaði:
„Umsamdar launahækkanir á almennum vinnumarkaði numu að hámarki 66 þúsund krónum. Að sögn embættismanna setti þessi hækkun allt á hliðina. Nú fá sömu kónar margfalda þessa hækkun í krónum talið… Nú ber auðvitað að horfa til þess að við eigum bestu stjórnmála- og embættismenn í heimi…. sem sitja uppi með vanþakkláta og freka alþýðu sem þráir ekkert heitara en að flatmaga á Tenerife.“
