„Ég fordæmi ummæli varaborgarfulltrúa Sjálfstæðisflokksins um skotárás á bifreið fjölskyldu borgarstjóra. Ummælin minna óþægilega á hættulega undiröldu ofbeldis og fordóma í Bandaríkjunum (og víða annars staðar). Það er mikilvægt að svona orðfæri eigi ekki viðurkennt pláss í okkar samfélagi,“ skrifar Hildur Björnsdóttir borgarfulltrúi Sjálfstæðisflokksins, um furðu háttalag varaborgarfulltrúans Ólafs Guðmundssonar.
„Ég fór fram á það strax í morgun að ummælin yrðu tekin upp í forsætisnefnd og Ólafi vikið úr trúnaðarstörfum fyrir Sjálfstæðisflokkinn. Aðrir borgarfulltrúar flokksins hafa tekið undir þá niðurstöðu. Minna hatur, meiri kærleika.“
