Váleg tíðindi. Friðurinn er úti. Grípa þarf til vopna. Þessi eru boð dagsins hjá tindátum og fótgönguliðum skrímsladeildarinnar. Sólveig Anna vill koma aftur. Margir vilja koma í veg fyrir það.
Mikið er undir. Sólveig Anna náði oft fínum árangri í sinni baráttu. Innanmein varð til þess að hún sagði af sér. Trúlega er sama umræða við allar kaffivélar í Borgartúni 35 og örugglega líka í öllum fundarherbergjum.
Eflaust er búið að hringja í Davíð. Staksteinar, leiðarinn og jafnvel Reykjavíkurbréfið verða brúkuð í vörninni gegn Sólveigu Önnu og Baráttulistanum hennar. Nú munu stálin stinn mætast.Allt það fólk sem hefur þurft að þola árásir skrímsladeildarinnar veit að það er ekki gott. Þar er ekkert til sparað. Sólveig Anna er eflaust núna fremsta viðfangsefni hinnar ógeðfelldu skrímsladeildar.