Nú verða öll samtök launafólks að vakna og hóta allsherjarverkfalli gegn verkbannshótun SA.
Ævar Kjartansson.
Víst er að Samtök atvinnulífsins hafa fulla getu til að semja við Eflingu og forða þannig verkföllum. Samtök atvinnulífsins virðast ekki hafa vilja til samninga. En hvers vegna?
Er það vegna þess að Sólveig Anna hefur allt annað viðhorf en þóknast herrunum í SA? Að hún sé erfiðari andstæðingur? Já, mér segist svo hugur. Kyrrðin er að baki. Nú verður látið reyna á, sama hvað það kostar, að veikja Eflingu og helst af öllu að gera allt til að ráðast að persónu Sólveigar Önnu og helst af öllu að sjá til þess að áhrif hennar verði sem minnst. Herrarnir vilja logn og frið.
„Um leið er ljóst að nú erum við ekki lengur stödd í venjulegum vinnumarkaðsátökum. Umfang þessarar aðgerðar SA er svo stórt að það á sér varla fordæmi. Með allsherjarverkbanni á alla Eflingarfélaga um land allt er skollið á pólitískt stríð – stórstyrjöld,“ skrifaði Ólína Kjerúlf Þorvarðardóttir.
Aldrei stóð til að sýna minnsta samningavilja.
„Það er pólitík. Ofstækis full valdabarátta komin í gang, eigendur atvinnutækjanna þola ekki staðfestu Eflingar og hrútakórinn hjá SA þolir ekki áræðni Sólveigar Önnu. Nú verða öll samtök launafólks að vakna og hóta allsherjarverkfalli gegn verkbannshótun SA,“ skrifaði Ævar Kjartansson.
„Nú ætti forsætisráðherra auðvitað að skamma SA fyrir að fresta verkföllum og bjóða Eflingu upp á næstum þriggja sólarhringa sýndarviðræður. Hún gæti sett lög á verkbann!!En það mun Katrín því miður auðvitað ekki gera. Aldreifing Moggans í dag er engin tilviljun og kostar peninga og einhver borgaði fyrir og með henni og forsíðu SA og tilmæla til félagsmanna um verkbann í dag er ljóst að aldrei stóð til að sýna minnsta samningavilja. Þetta var allt í plati,“ skrifaði Steinunn Ólína.
-sme
