Einar Sveinbjörnsson veðurfræðingur skrifar á Facebook:
Í þessari frétt á Vísi:
„Guðmundur Kr. Ragnarsson, kokkur á veitingastaðnum og veisluþjónustunni Laugaási, segir sex viðburðum sem fyrirtækið átti að þjónusta með mat á laugardaginn hafa afboðað aðeins nokkrum klukkustundum áður en bera átti fram mat. Hann segir að rúmlega tíu þúsund matarskammtar af veislumat hafi farið í ruslið.“
Þetta voru m.a. mjög stórar árshátíðir sveitarfélaga á Höfuðborgarsvæðinu.
Er ekki rétt að benda á það augljósa – af hverju voru þessar skemmtanir ekki flautaðar af fyrr? Síðdegis á fimmtudag var lýst yfir neyðarstigi. Menn héngu á þessum stóru árshátíðum í lengstu lög og þess vegna þurfti að henda hátíðarmat fyrir allan þennan fjölda. Þrjú stór sveitarfélög bera ábyrgðina á stórum hluta þessarar matarsóunar.
Kolefnisspor hverrar þriggja rétta veislumáltíðar þar sem kjöt, lamba- eða nautakjöt er í aðalrétt samsvarar líklega (með algengum aðferðum við matarspor) um 150-200 km akstri meðalbifreiðar.
Hráefni í 10 þús. veislumáltíðir sem hent er í ruslið samsvara 1.500.000 til 2.000.000 ekinna km. Sem sagt kolefnislosun þess bíls sem æki um tvisvar sinnum fram og til baka til tunglsins!!