Helga Vala er að hlusta á Vikulokin:
„Kolbeinn Óttarsson Proppé heldur því fram í Vikulokunum að ríkisstjórnin hafi sett aukna fjármuni í rannsókn Samherjamálsins. Það hefur hvergi komið fram, heldur að þau séu viljug til að setja einhverja fjármuni EF ÞARF. Þegar héraðssaksóknari kallaði á dögunum eftir auknum fjármunum til rannsóknarinnar, felldi ríkisstjórnin tillögur þess efnis í þinginu þrátt fyrir yfirlýstan vilja. Þingmaðurinn Kolbeinn lýsir yfir miklum vonbrigðum vegna viðbragða stjórnarandstöðu við þessu, að vantraust ríki í garð ríkisstjórnarinnar. Segir hann viðbrögð stjórnarandstöðu ekki til þess fallin að auka traust á stjórnmálum.
Ég tek undir með Halldóra Mogensen sem er í þættinum. Þetta framferði ríkisstjórnarinnar er hreint ekki til að auka traust á stjórnmálum. Það að Bjarni Benediktsson ætli að skammta fjármunum til rannsókna á efnahags og skattalagabrotum er bara alls ekki sannfærandi.“
