Þessu heldur blaðamaðurinn Eiríkur Jónsson fram á heimasíðu sinni og fullyrðir að hann hafi fyrir brottrekstrinum áreiðanlegar heimildir. Þarna er Eiríkur að tala um þjálfaraskipti hjá meistaraflokki karla í knattspyrnu hjá Val.
Eiríkur skrifar:
„Heimur Guðjónsson þjálfari Vals í meistaraflokki í knattspyrnu verður rekinn á föstudaginn og Heimir Hallgrímsson fyrrum landsliðþjálfari tekur við. Svo herma áreiðanlegar heimildir.
Gengi Vals hefur verið slakt undir stjórn Heimis Guðjónssonar og verður ekki lengur við unað. Frágenginn samningur mun vera á borðinu við nafna hans Hallgrímsson, tannlækninn úr Vestmannaeyjum, sem varð þjóðhetja sem landsliðsþjálfari Íslendinga en hefur að undanförnu plægt fótboltagarðinn í Arabíu þannig að eftir hefur verið tekið.“