Íslandi allt Félagssamtök um samfélagsmál og betra líf, þar sem Ole Anton Bietvwdt er formaður birtir heilsíðu auglýsingu í Mogganum í dag. Þar má finna þetta:
„Er það hlutverk sóttvarnarlæknis að stýra landinu? Sóttvarnarrlæknir var ráðinn til að stjórna sóttvörnum landsmanna, en ekki öðru. Ráðherrar og ríkisstjórn voru kjörin til að stjórna landinu. Í sambandi við COVID-19 virðist heilbrigðisráðherra nánast vera orðinn undirskriftarfulltrúi sóttvarnalæknis, og forsætisráðherra tjáir sig í gátum eða út í loftið. Ekki er vitað til þess, að heilbrigðisráðherra hafi gert annað en að árita minnisblöð sóttvarnalæknis og þar með breytt þeim í reglugerðir. Þetta eru auðvitað kolómöguleg vinnubrögð. Ráðherra og ríkisstjórn verða að skoða heildarmyndina, áður en þeir taka afstöðu, ekki aðeins einn vinkil málsins, af fjölmörgum, og þá allra sízt, ef vægi þess vinkils hefur snarminnkað.“