Kristinn Hrafnsson:
„Björgum mannslífum. Fögnum þeirri heppni að vera í aðstöðu til þess. Þjóðlegra og íslenskara getur það ekki orðið.“
Það skal aldrei gleymast að frá landnámi var orðstír og sæmd mikilvægasta gildi Íslendinga. Það var þvílíkur heiður fólgin í því að bjarga mannslífum að það taldist heppni að fá tækifæri til þess. Leifur Eiríksson bjargaði 15 skipbrotsmönnum í lífshættu af skeri og í árþúsund er þess minnst með því að kalla hann Leif heppna. Hans heppni var ekki að vera fyrsti Evrópumaðurinn til að finna Ameríku heldur að geta bjargað fólki í nauð.
Björgum mannslífum. Fögnum þeirri heppni að vera í aðstöðu til þess. Þjóðlegra og íslenskara getur það ekki orðið.
