Heiðrún Jónsdóttir héraðsdómslögmaður hefur tekið við formennsku stjórnar Íslenskra verðbréfa hf. Með henni í stjórn eru Halldór Halldórsson, formaður Sambands íslenskra sveitarfélaga og oddviti Sjálfstæðismanna í komandi borgarstjórnarstjórnarkosninfum, en hann er varaformaður og Steingrímur Birgisson, forstjóri Höldurs.
Hagnaður af rekstri Íslenskra verðbréfa var 138 milljónum króna á liðnu ári en félagið hefur skilað hagnaði óslitið frá árinu 2002. Eignir í stýringu námu 112 milljörðum króna í árslok 2013 og ávöxtun eignasafna í umsjá félagsins var með besta móti.
Íslensk verðbréf eru sérhæft eignastýringarfyrirtæki sem sinnir viðskiptavinum um allt land. Félagið var stofnað árið 1987 og starfsmenn félagsins eru 19 talsins. Framkvæmdastjóri er Sveinn Torfi Pálsson.
Heimild: Vikudagur.
