Tómas J. Knútsson: Ég bauð íslenskum stjórnvöldum (Blái herinn) fyrir 4 mánuðum síðan að útbúa verkefni fyrir þá einstaklinga sem misstu vinnuna sína vegna covid 19 og skildi það verkefni vera stjórnvöldum hvatning til að á Íslandi yrðu fleiri hreinni fjörur á landsvísu. Hef ekki heyrt múkk frá þeim og á ekki von á því frekar en fyrri daginn þegar ég reyni að mínum veika mætti að hvetja til slíkra hreinsunarverkefna.
Um 20 hópar erlendis frá munu ekki koma í mín verkefni í ár. En að eyða fjármunum í það að leyfa fólki að öskra í hátalara er mér alveg óskiljanleg auglýsing um hvað er svona upplífgandi upplifun á þessu landi. Ég er ekki vanur að skamma íslensk stjórnvöld á þessum miðli en mér er óglatt út af metnaðarleysi stjórnvalda varðandi plastmengun og ásýnd okkar í þeim efnum. Það eru svæði á Íslandi sem virkilega þurfa hjálparhendur til að öðlast hreinni ásýnd, þær fæ ég ekki í ár frá neinum en styrktaraðilar Bláa hersins eru með sín verkefni í næsta mánuði og við ætlum að gera okkar besta.
